Ýanka Kupala adyndaky GrDU-da Türkmenistanyň şanly Garaşsyzlygynyň 25 ýyllygyna bagyşlanyp baýramçylyk konserti geçirildi.
Baýrammyçylyk konsertini otkýabr aýynyň 31-ne daşary ýurtly talyplaryň “Watandaşlyk” guramasy we Ýanka Kupala adyndaky Grodno Döwlet Uniwersitetiniň Milletara Bilim Merkeziniň işgärleri gurnadylar.
Kupalow uniwersitetiniň müňden gowrak kollektiwiniň adyndan we ähli ýolbaşçylaryň adyndan uniwersitetiň terbiýeçilik işleri boýunça prorektory Wasiliý Wasiliýewiç Senko gutlag sözleri bilen baýramçylyga gelenlere ýüzlendi.
– Şu gün daşary ýurtly talyplarymyz, Belarus döwletiniň dostlukly gatnaşýan Respublikalarynyň biri bolan, Türkmenistanyň Şanly Garaşsyzlygynyň ýubileýini belläp otyr. Bizi bu iki halkyň arasyndaky serhetlere seretmezden dörän we häzirki wagtda batly depginde ösmegini dowam etýän mähirli we dostlukly aragatnaşyklary şatlandyrýar. Şeýle hem, biziň döwlet baştutanlarymyzyň dostlugy biziň ýurtlarymyzyň gatnaşyklaryny berkitýänligini belläp geçesim gelýär – diýip Wasiliý wasilýewiç belläp geçdi. – Bu baýramçylyk güni Türkmen döwletine mundan beýläk hem gülläp ösmegi arzuw etýän.
Türkmen talyplarynyň biziň alma-matermyzda nähili ýaşaýanlyklary, nähili işler bilen gyzyklanýanlyklary, nahili derejelere ýetenlikleri we üstünliklere eýe bolanlyklary barada daşary ýurtly talyplaryň “Watandaşlyk” guramasynyň ýolbaşçysy Geldi Baýrammyradow.
– Şü günki gün kupalow uniwersitetinde 677 sany daşary ýurtly talyp okap, olaryň 428 sanysy Türkmenistandan bolup, bäşisi magistraturada okap bilim alýar. Umuman GrDU-nyň ýokary bilim baradaky diplomyny 1863 sany Türkmenistanly uçurumlar alandygyny Geldi Baýrammyradow aýdyp geçdi. – Türkmen talyplary aktiw ýagdaýda uniwersitetiň medeni, ylmy durmuşynda çykyş etýärler: öz talantlaryny özbaşdak çeperpeçilik bäsleşiklerinde we sport ýaryşlarynda çykyş etmek bilen gökezýärler we ylmy konferensiýalar üçin dürli dokladlary taýýarlaýarlar.
Konsertiň dowamynda ykdysadyýet we dolandyryş fakultetiniň talyby Ene Geldiýewa we hukuk fakultetiniň talyby Meýlis Täçmämmedow alyp baryjylar hökmünde çykyş etdiler we bu agşamyň myhmanlaryna parahat, asuda, berkarar döwleti bolan Türkmenistan döwletine syýahat etmegi hödürlediler. Bu zatlaryň hemmesi daşary ýurtly kupalow talyplarynyň we belarus talyplarynyň taýýarlanmagy esasynda durmuşa geçirildi. Ýaş oglan gyzlaryň ýerine ýetirmeginde tans we aýdym çykyşlary, gülkünç sahnalarynyň we halk saz kompozisiýalaryň üsti bilen baýramçylyk çaresine bezeg berdiler.
